Monedhë

Kategoritë

2 vjet më parë

Pas 20 vitesh Python bëhet gjuha më popullore e programimit

Indeksi nuk ka të bëjë me gjuhën më të mirë të programimit por me gjuhë më të kërkuara në motorët e kërkimit.

Pas 20 vitesh Python bëhet gjuha më popullore e programimit

Për herë të parë në mëse 20 vite, Python ka parakaluar Java, Javascript dhe C i gjuha më popullore e programimit.

Tiobe, një kompanie e specializuar në gjurmimin dhe analizimin e cilësisë së softuerëve, ka gjurmuar popullaritetin e gjuhëve të programimit në 2 dekadat e fundit.

Për të përpiluar analizën, kompania përdor kërkimet në motorët dhe uebsajtet më popullorë të internetit si Google, Bing, Yahoo, Wikipedia dhe YouTube. Një total prej 25 motorësh kërkimi dhe uebsajtesh ekzaminohen në proces.

Indeksi nuk ka të bëjë me gjuhën më të mirë të programimit por me gjuhë më të kërkuara në motorët e kërkimit.

Python nisi si një gjuhë e thjeshtë skriptesh, si një alternativë ndaj Perl dhe sot ka arritur një nivel maturimi sa të rivalizojë emrat e mëdhenj. Lehtësia për tu mësuar, libraritë e mëdha dhe përhapja në thuajse çdo domen, e ka bërë gjuhën më popullore të programimit sot.

Python zuri 11.27% të popullaritetit, ndjekur nga C në 11.16% dhe Java në 10.46%. Dy të fundit shënuan rënie me 5.79% dhe 2.11% respektivisht.

Gjuhët e tjera të programimit në Top10 ishin C++, C#, JavaScript, SQL, PHP dhe Assembly Language.

Megjithatë një anketë e bërë në 2020 bazuar në 17 mijë zhvillues të intervistuar tregon se gjuha më e përdorur mbetet JavaScript. Raporti gjithashtu zbuloi se Python ka 2.2 milionë zhvillues aktivë të cilët kryesisht merren me machine learning dhe data science.

Copyright: © PCWorld Albania

Dil i kënaqur me: