Monedhë

Kategoritë

2 vjet më parë

Më 3-5 Prill hakatoni Hack the Crisis Albania në kërkim të zgjidhjeve për të kapërcyer krizën e koronavirusit

Ky aktivitet është pjesë e një lëvizjeje ndërkombëtare quajtur “Hack the Crisis” iniciuar nga Garage48, Accelerate Estonia dhe mbarë komuniteti Estonez i startupeve në Mars të 2020.

Koronavirusi mund të na ketë mbyllur brenda kufijve të shtëpisë por jo të imagjinatës. Nga data 3 deri më 5 Prill EU for Innovation, Coolab, Crazy Town, Garage48 organizojnë hakatonin online “Hack the Crisis Albania”, aktivitet i cili gëzon mbështetjen e ICTSmedia dhe rrjeteve të saj Uplift, ICTSlab dhe PCWorld.al.

Gjatë këtij hakatoni pjesëmarrësit duhet të zgjidhin një prej krizave më të mëdha të jetëve tona që ka prekur mbarë botën, pandeminë e koronavirusit.

Hack the Crisis do të organizohet përmes platformave Zoom dhe Slack nga ora 17:00 e datës 3 Prill deri në orën 18:00 të datës 5 Prill.

Pjesëmarrësit duhet të zhvillojnë ide të cilat mund të shndërrohen në prototip gjatë 48 orëve dhe që ti vijnë në ndihmë krizës së COVID-19.

Këtij aktiviteti do ti bashkohen mentorë si Mikko Korpela, Arlind Haxhijaj, Sara Usinger, Toni Pienonen, Renis Batalli, Sonila Abdalli, Lolita Ndoci, Engjell Rraklli, Tomi Kallanxhi dhe Adela Kallanxhi.

Idetë kanë të bëjnë me:

  • Shpëtimin e jetëve të njerëzve
  • Ndihmesën e komuniteteve
  • Ndihmesën e bizneseve

Dita Parë – 3 Prill

  • 17:00 – Webinar: Prezantimi i axhendës, ekipeve dhe trajnerëve
  • 18:00 – Ekipet fillojnë punën

Dita Dytë – 4 Prill

  • 10:00 – Webinar: Takime 1-n-1 me trajnerët
  • 17:00 – Webinar: Takime 1-n-1 me trajnerët
  • 18:00 – Testimi i produktit

Dita Tretë – 5 Prill

  • 10:00 – Webinar: Checkpoint
  • 17:00 – 18:00 – Webinar: Shpallja e fituesve

Ekipet do të mbështeten nga mentorë dhe idetë fituese do të marrin çmime dhe ndihmë të mëtejshme për implementimin e tyre.

Ky aktivitet është pjesë e një lëvizjeje ndërkombëtare quajtur “Hack the Crisis” iniciuar nga Garage48, Accelerate Estonia dhe mbarë komuniteti Estonez i startupeve në Mars të 2020.

Copyright: © PCWorld Albania

Dil i kënaqur me: