Kategoritë
Natyra decentralizuese e Mastodon po krijon probleme të mëdha për platformën
Problemi i madh me platforma të tilla të medias sociale si Mastodon është se asnjë kompani apo entitet nuk kontrollon çdo gjë në platformë.
Mastodon ka fituar popullaritet vitin e kaluar ndërsa përdoruesit e Twitter ishin vënë në kërkim të alternativave pasi Elon Musk mori drejtimin e rrjetit social të mikroblogimit.
Aspekti më tërheqës i rrjetit social në fjalë ishte natyra decentralizuese që e mbron nga kontrolli i plotë i një dore të vetme. Edhe pse ka përfitimet e saj, nga ana tjetër ka provuar një sfidë duke e bërë moderimin e përmbajtjeve thuajse të pamundur.
Një studim i Stanford zbuloi 122 materiale të abuzimit seksual me fëmijët gjatë dy ditëve me afro 2000 postime që përdornin hashtage të këtyre materialeve abuzuese.
Problemi i madh me platforma të tilla të medias sociale si Mastodon është se asnjë kompani apo entitet nuk kontrollon çdo gjë në platformë.
Çdo instancë ka administratorin e saj dhe janë ata përgjegjës. Por këta administratorë nuk mund të kontrollojnë dhe moderojnë përmbajtje që përhapen në instanca dhe serverë të tjerë.
Nuk është një problem unik vetëm i Mastodon. Aplikacioni popullor Threads i Meta është ndërtuar rreth një modeli të decentralizuar. Duke ndërvepruar me ActivityPub, përdoruesit e Threads mund të ndjekin, replikojnë dhe ripostojnë nga Mastodon dhe anasjelltas.
E gjitha krijon problem edhe për Meta që nuk mund të kontrollojnë plotësisht platformën siç bën me Facebook dhe Instagram. Edhe me këta të fundit ka pasur probleme me moderimin.
Copyright: © PCWorld Albania
