Kategoritë
Telefoni i ri i palosshëm i Google ka ekran 8-inç dhe kushton 1799 dollarë
Pixel 9 Pro Fold ruan këtë identitet, e cila konsiderohet gjë e mirë. Ndryshimi më i madh është në aspektin e harduerit, kalimi nga një ekran 7.6-inç në një ekran 8-inç kur hapet plotësisht. Për krahasim iPad Mini është vetëm 0.3-inç më i madh.
Telefonët Pixel dominuan evenimentin e ditës së Marte Made by Google 2024. Përveç një linje të rifreskuar telefonësh, kompania zbuloi edhe pasardhësin e telefonit të parë me ekran me palosje Pixel Fold.
Emërtimi e vendos në një linjë me portofolin e produkteve të kompanisë ndërsa vetëm koha do të tregojë nëse termi “Pro” justifikon çmimin prej 1,799 dollarësh të pajisjes.
Kur debutoi Verën e kaluar, Pixel Fold mori vëmendjen e shumë analistëve ndërsa ishte një madhësi më të menaxhueshme sesa ajo e Samsung Galaxy Z Fold.
Pixel 9 Pro Fold ruan këtë identitet, e cila konsiderohet gjë e mirë. Ndryshimi më i madh është në aspektin e harduerit, kalimi nga një ekran 7.6-inç në një ekran 8-inç kur hapet plotësisht. Për krahasim iPad Mini është vetëm 0.3-inç më i madh.
Ekrani kryesor ka një paneli OLED 2076×2152 piksel me 373 piksel për çdo inç. Frekuenca e rifreskimit arrin deri në 120Hz ndërsa ndriçimi deri në 2,700 nits. Ekrani i jashtëm është rritur në madhësi gjithashtu nga 5.8-inç në 6.3-inç. Ky i fundit ka dendësi prej 422 piksel për çdo inç dhe rezolucion 1080×2424. Mbulohet nga shtresa Gorilla Glass Victus 2.
Pajisja është gjithashtu më e hollë sesa model i kaluar me vetëm 10.6mm i mbyllur dhe 5.8mm i hapur. Bateria prej 4650mAh ofron 24 orë jetëgjatësi. Njësoj si modelet e tjera Pixel 9, smartfoni ka çipin e ri Tensor G4 të Google. Shoqërohet nga 16GB RAM dhe 256GB ose 512GB hapësirë.
Pjesa e pasme e telefonit trashëgon të njëjtin ndryshim dizajni si modelet e tjera Pixel. Tre kamera të pasme janë implementuar: 48-megapiksel kryesore, 10.5-megapiksel me kënd të gjerë dhe 10.8-megapiksel telefoto. Ky i fundit ofron zmadhim optik 5x dhe Super Res Zoom 20x.
Lajmi i madh është padyshim integrimi i Gemini. Telefoni vjen me një vit abonim falas One AI Premium i cili përfshin Gemini Advanced, Gemini në Gmail dhe Docs dhe 2TB hapësirë në Google Cloud. Telefoni ofron 7 vite përditësime të garantuara të sistemit operativ.
Del në shitje prej datës 4 Shtator.
Copyright: © PCWorld Albania
Dil i kënaqur me:
