4 muaj më parë

Tesla dhe Samsung nënshkruajnë një marrëveshje 16.5 miliardë dollarëshe

Aksionet e Samsung janë rritur me 7 përqind pas lajmeve të ditës së Hënë ndërsa prodhuesi më i madh në botë i çipeve të memories përballet me presione për të ndërtuar çipe të inteligjencës artificiale ku qëndron pas rivalëve si TSMC dhe SK Hynix.

Photo Source: Tesla CEO Elon Musk. Andrew Harnik/Getty Images

CEO i Tesla Elon Musk tha se prodhuesi Amerikan i makinave ka nënshkruar një marrëveshje 16.5 miliardë dollarësh për përdorimin e çipeve prodhuar nga Samsung, një lëvizje e cila pritet të forcojë pozitat e gjigantit Koreano-Jugore në një industri ku ka humbur terren ndjeshëm vitet e fundit.

Musk tha se fabrika e re e çipeve në Taylor të Teksasit nga Samsung do të prodhojë çipin e gjeneratës së re AI6 të Tesla. Edhe pse nuk ka një axhendë të qartë të prodhimit të AI6, Musk më herët është shprehur se gjenerata e ardhshme AI5 do të prodhohet në fund të 2026 për tu pasuar nga AI6.

Samsung aktualisht prodhon çipet AI14 të Tesla të cilët fuqizojnë sistemin e vetëdrejtimit ndërsa TSMC do të jetë prodhuesi i çipeve AI5 fillimisht në fabrikat në Tajvan e më pas në Arizona.