4 muaj më parë

Apple lançon versionin 14.2.1 të macOS Sonoma

macOS Sonoma 14.2.1 mund të shkarkohet falas në të gjithë kompjuterët Mac të mbështetur duke përdorur seksionin Software Update të System Settings.

Ditën e sotme Apple lançoi macOS Sonoma 14.2.1 i cili është një përditësim minimal për sistemin operativ macOS Sonoma i debutuar në fund të muajit Shtator.

Ky version vjen vetëm pak ditë pasi Apple lançoi macOS Sonoma 14.2, një përditësim madhor i cili solli mini-aplikacionet, Autofill të përmirësuar, përmirësim të aplikacionit Messages etj.

macOS Sonoma 14.2.1 mund të shkarkohet falas në të gjithë kompjuterët Mac të mbështetur duke përdorur seksionin Software Update të System Settings.

Sipas shënimeve të përditësimi, macOS Sonoma 14.2.1 përmban rregullime keqfunksionimesh dhe një përditësim sigurie.

macOS 14.2.1 adreson një problem sigurie ku përdoruesit bëjnë “Screen Share” dhe ku gabimisht mund të ndahej informacion i pasaktë.

Apple ka nisur tashmë testimin e macOS Sonoma 14.3 dhe përditësimi pritet të mbërrijë në Janar.

Copyright: © PCWorld Albania