2 javë më parë

Rrjeti social Bluesky shton opsionin e tematikave popullore

Funksionaliteti i ri gjendet duke klikuar ikonën e kërkimit në fund të ekranit në aplikacionin mobil ose në panelin e majtë në ueb. Lista e tematikave më popullore shfaqet poshtë shiritit të kërkimit.

Një dhuratë e veçantë për këtë fundviti nga Bluesky është një funksionalitet i ri i tematikave trend në aplikacionin mobil ku përdorues mund të shohin cilat tema janë popullore aktualisht në rrjetin social.

Duke klikuar njërën prej tyre mund të aksesoni postimet që kanë të bëjnë me të. Nëse dëshironi të mos e shikoni këtë listë, atëherë klikoni butonin e vogël “x” në cepin e djathtë lartë ose shkoni në Settings > Content & Media dhe çaktivizoni opsionin Enable Trending Topics.

Sipas njoftimi nga Bluesky, funksionaliteti është akoma nën testim dhe do të modifikohet ose përmirësohet me përshtypjet e përdoruesit.

Copyright: © PCWorld Albania