8 muaj më parë

Në iOS 18 përdoruesit do të mund të ndryshojnë vendin dhe ngjyrat e ikonave të aplikacioneve

Në buletinin e tij javor, Gurman pretendon se Apple do tu japë mundësinë përdoruesve të iPhone të ndryshojnë ngjyrat e ikonave të aplikacioneve në iOS 18.

Përditësimi iOS 18 i Apple do të sjellë disa funksionalitete të reja të personalizimit të ndërfaqes së iPhone sipas analistit të Bloomberg Mark Gurman.

Në buletinin e tij javor, Gurman pretendon se Apple do tu japë mundësinë përdoruesve të iPhone të ndryshojnë ngjyrat e ikonave të aplikacioneve në iOS 18.

Për shembull do të mund që të gjitha ikonat e rrjeteve sociale ti bëni në ngjyrë blu ose të financës në ngjyrë jeshile. Ky nivel përshtatjeje aktualisht është i mundur vetëm përmes krijimit të shkurtesave me ikona të personalizuara që shërbejnë për lançimin e aplikacionit.

Gurman gjithashtu mbështeti raportet e kaluara se iOS 18 do ti lejojë përdoruesit ti vendosin aplikacionet ku të duan në ndërfaqen Home. Kështu përdoruesit do të mund ti rendisin ikonat më lirisht, ngjashëm me mënyrën sesi mund të vendosen mini-aplikacionet (widgets) në ekran.

iOS 18 pritet të zbulohet në konferencën vjetore të zhvilluesve WWDC në Qerhsor përpara se të mbërrijë për publikun në Vjeshtë.

Copyright: © PCWorld Albania