Kategoritë
Versioni i tretë testues i iOS 18 dhe ende asnjë funksionalitet AI nga Apple Intelligence
Brenda dy javësh pritet beta e katërt dhe koincidon me kohën kur Apple ofron betan e parë publike për të gjithë përdoruesit. Shumica e përditësimeve janë kryesisht kozmetike por edhe në sfond.
Cikli testues i versioneve të ardhshme të sistemeve operative është në lëvizje të plotë ndërsa këtë javë beta e tretë e iOS 18, iPadOS 18, macOS 15 dhe të tjera u lançuan për zhvilluesit.
Brenda dy javësh pritet beta e katërt dhe koincidon me kohën kur Apple ofron betan e parë publike për të gjithë përdoruesit. Shumica e përditësimeve janë kryesisht kozmetike por edhe në sfond.
Megjithatë asnjë prej versioneve testuese nuk sjell qoftë edhe një funksionalitet të vetëm AI të Apple Intelligence. MacRumors raporton se menutë Settings të Apple Intelligence kanë filluar të shfaqen në simulatorin e Xcode për versionet testuese të iOS 18, por asnjë prej tyre nuk janë funksionale.
Apple ka thënë më herët se vala e parë e funksionaliteteve të Apple Intelligence do të vinin këtë Verë ndërsa të gjithë presin ti shohin në versionet beta.
Por gjendja aktuale duket e zymtë. Funksionalitetet pritet të debutojnë gradualisht edhe kur të jenë laçuar në mënyrë zyrtare. Ato kërkojnë harduerë të fundit të Apple si iPad dhe Mac me procesorët Apple M-Series ose iPhone 15 Pro me çipin A17 Pro.
Copyright: © PCWorld Albania
