2 muaj më parë

Apple do të ndërtojë robotë personalë për shtëpitë

Robotët nga ana tjetër nuk janë si smartfonët sot ku njerëzit kanë nevojë për ta.

Apple është ende në kërkim të produktit të ardhshëm revolucionar që do ta ndihmonte kompaninë të mbetej dominuese në treg njëkohësisht të shërbejë edhe si një burim i ri të ardhurash pasi braktisi planet për zhvillimin e makinës së saj elektrike.

Sipas Bloomberg, një prej hapësirave që kompania po eksploron është ajo e robotëve personalë. Raportohet se Apple filloi të bënte kërkime për robotët personalë në të njëjtën kohë me makinën elektrike.

Ndërsa projektet robotike të Apple janë ende në fazat e hershme, Bloomberg tha se tashmë kishte filluar të punojë në një robot mobil që mund të ndjekë përdoruesit nëpër shtëpitë e tyre dhe kishte zhvilluar tashmë një pajisje tavoline që përdor një robot për të lëvizur një ekran përreth.

Ideja pas saj është që përdoruesi të ketë një makineri që ndjek lëvizjet e kokës dhe drejtohet tek një person i vetëm në grup. Robotët nga ana tjetër nuk janë si smartfonët sot ku njerëzit kanë nevojë për ta.

Apple duket e shqetësuar nëse njerëzit janë të gatshëm të paguajnë për të pasur një robot. Nëse makina elektrike do të ishte prodhuar nga Apple, do të shitej për 100 mijë dollarë.

Por tani që Apple Car është përjashtuar nga planet, kompania po drejtohet nga realiteti virtual i Vision Pro dhe produktet për shtëpitë.

Copyright: © PCWorld Albania