6 muaj më parë

Brendi buxhetor i Nothing lançon një smartfon, një orë inteligjente dhe kufje wireless

Një smartfon, një orë inteligjente dhe kufje wireless ku të tre produktet duket të jenë modeste në çmime dhe funksionalitet.

CMF, një brand i produkteve buxhetore të Nothing prezantuar në Gusht të vitit të kaluar, zyrtarisht zbuloi tre produkte të reja. Një smartfon, një orë inteligjente dhe kufje wireless ku të tre produktet duket të jenë modeste në çmime dhe funksionalitet.

Duke filluar me smartfonin, CMF Phone 1 vjen me elementë dizajni të pazakontë duke ndjekur strategjinë e Nothing. Kapaku i pasmë i telefonit mund të ndërrohet dhe vjen në disa ngjyra.

Kompania thotë se ky element dizajni e bën gjithashtu më të lehtë qasjen në komponentët e brendshëm për riparime apo mirëmbajtje të telefonit. Gjithashtu ky kapak ka një pikë montimi për aksesorë të ndryshëm si mbajtëse, këllëf kartash apo lidhëse.

Sa i përket specifikave telefoni fuqizohet nga një çip me 8 bërthama MediaTek Dimensity 7300 5G, një ekran 6.67-inç Super AMOLED 120Hz dhe sensor kamere “flagship” 50-megapiksel zhvilluar nga Sony.

Ka një bateri prej 5,000 mAh dhe 8GB RAM. CMF Phone 1 kushton 200 dollarë.

Produkti tjetër është ora inteligjente CMF Watch Pro 2 i cili vjen për të pasur modelin e vitit të kaluar. Ka një dizajn plotësisht ndryshe me formë të rrumbullakët dhe jo katrore si versioni i kaluar. Ora ka ekran 1.32-inç AMOLED, GPS të integruar, një akselerometër, një sensor drite dhe tre sensorë të gjurmimit të shëndetit. Kompania premton 11 ditë jetëgjatësi baterie me një karikim.

Do të kushtojë 69 dollarë dhe del në shitje më 11 Korrik.

Së fundi, kufjet Buds Pro 2 vinë me teknologji të eliminimit të zhurmave (ANC) dhe audio algoritmike hapësinore. Kasa mund të përshtatet sipas preferencave. Jetëgjatësia e baterisë është e kënaqshme edhe pse goditet nga përdorimi i ANC.

Kufjet kushtojnë 59 dollarë, 10 dollarë më shumë sesa modeli i kaluar dhe dalin në shitje më 11 Korrik.